Prís – Verðlagsapp ASÍ: Með smáforritinu geta notendur á augabragði skoðað mismunandi verðlagningu.

Prís er nýtt smáforrit á vegum verðlagseftirlits ASÍ. Með smáforritinu geta notendur á augabragði skoðað mismunandi verðlagningu vara á milli verslana. 

Forritið er kröftugt innlegg Alþýðusambandsins í baráttunni gegn þeirri verðbólgu sem nú leggst á íslenskt samfélag. Standa vonir til þess að forritið auðveldi neytendum að veita virkt aðhald með samkeppni á smásölumarkaði.  

Forritið var unnið af Alþýðusambandi Íslands en ríkisstjórn Íslands styrkir verkefnið með 15 m.kr. framlagi. Er það sameiginlegt markmið beggja aðila með verkefninu að vinna gegn verðbólgu. 

Með appinu er hægt að skanna strikamerki á vörum og fá í kjölfarið uppgefið hvað varan kostar í fjölda verslana. 

Apple App Store:
https://apps.apple.com/is/app/pr%C3%ADs/id6473921623 

Google Play Store:
https://play.google.com/store/apps/details?id=com.benjaminjulian.redfoldertest 

Nánari upplýsingar veitir: 

Benjamín Julian
Verkefnastjóri verðlagseftirlits ASÍ 

GSM: 768 2692
benjamin@asi.is  

Verðlagseftirlitið hyggst halda áfram þróun smáforritsins og gera verðsögu aðgengilega í því, ásamt fleiri viðbótum sem gagnast neytendum. 

Smáforritið er aðgengilegt fyrir öll snjalltæki, bæði Android og iOS.