Heilsufarsskoðun

Heilsa er eitt það mikilvægasta sem við eigum. Í tilefni þess höfum við í samstarfi við Fjórðungssjúkrahúsið á Akureyri ákveðið að bjóða félagsmönnum upp á Heilsufarsskoðun hjá FSA. Í stærri fyrirtækjum er gott að kjósa einn fulltrúa (trúnaðarmaður fyrirtækisins tilvalinn) að eigin vali og hefur hann samband við FSA í gegnum póstfangið thora@fsa.is og tilkynna hversu margir ætla að nýta skoðunina frá fyrirtækinu og mun FSA senda til baka tímasetningar á starfsmennina. Félagið greiðir helming kostnaðar og sendir FSA þá rukkun beint á félagið.

Stjórn Félagsins hefur sent fyrirtækjunum bréf um þessa skoðun og mælst fyrir að fyrirtækið taki einnig þátt í kostnaði starfsmanns við skoðunina. Hvetjum félagsmenn til að ræða við forsvarsmenn síns fyrirtækis um styrk.

Átakið hefst 27. september og stendur til loka nóvembers. Hér fyrir neðan má sjá í hverju skoðunin felst.

Blóðþrýstingur og púls

Öndunarmettun

Þyngdarstuðull (BMI) mæling, vigtun og hæðarmæling

Blóðpróf / blóðhagur, blóðsykur og blóðfita einnig er hægt að fá þvagskimun.

Ef það er vilji félagsmanns að fá þvagskimun biður hann um það annaðhvort á staðnum og skilar inn prufu síðar eða kemur með hana með sér í skoðunina í samráði við tengilið FSA. 

Skoðunin kostar 10.000 krónur og af því greiðir félagið helming.

Tengiliður sjúkrahúss er Þóra Ákadóttir starfsmannastjóri sjúkrahússins. thora@fsa.is